الفيديو هذا فيه رسالة واضحة و نصيحة من القلب لكل شاب تونسي ناوي يعرس عن قريب.

الراجل هذا اتذكرتوه توفاه الله كيفاش مات توا نحكيلكم راهو شي يقهر جاب مرتو قبل في عندي مانقلك يحب يشوف ولدو 3 سنين ماشافوش وطليقتو ماحبتش وتعاير فيه في البرنامج وطيحتلو قدرو وهو محكوم عام حبس على النفقة بعد البرنامج مشى باش يشوف ولدو ياخي هو هرب والحاكم يجري وراه وضرباتو كرهبة مات هكا ارتاحت منو وبعد فترة قصيرة مشات عرست اي عرست بعد ماعملتهم الكل باش تقهرو وتبتزو بولدها وبالحاكم هذا هو القانون في تونس القضاة متاع الطلاق نساء اغلبهم القانون مع المرا الحبس والافلاس والسكتة القلبية يطاردون الرجل والدولة خايفه من النساء

وماتحبش تشوف حل وتنقح مجلة الاحوال الشخصية لماذا الحضانة ماتكونش مشتركة مادام الرجل هو الي يصرف لماذا هناك نفقة للام في اي شرع او دين وخاصة اذا هي تشتغل لماذا الرجل العاطل عن العمل يدفع نفقة خيالية لماذا يسجن الرجل لانه لا يقدر على الانفاق وهو معدوم الحال

وحاجة اخرى رسالة للنساء علاش كيف طلقي تحبي تحطمي طليقك يا بنت الحرام راهو بو ولدك راهو ربي في الوجود على جال زوز صوردي دخلي طليقك للحبس مافكرتيش في ولدك تيتميه وتضريه نفسانيا كيف يشوف الصغار مع اباءهم وانتي حرمتيه من كلمة بابا ومن حضن الاب وراهو ولدك وخوك ينجم يصير عليه الظلم والقهر الي صار على طليقك

حسبنا يالله ونعم الوكيل

خويا العزيز ، رد بالك و خمم مليح، راك كانك تستعجل وتاخو مرأة من غير ما تسأل عليها بالباهي، ومن غير ما تعرف أصلها و فصلها و عايلتها، و كانك ما تمتحنهاش كيف ما لازم، راهو لو تغشيت فيها وتوصل الأمور للطلاق معاها ، اعرف اللي باش تلقى روحك في ورطة كبيرة على زوز مستويات:

🔸 أولاً: النفقة و ما ادراك ما النفقة !

راهـي ما تسكتلكش، تبدا تبكي و تشكي بيك في المراكز و المحاكم، حتى كان ظروفك صعيبة، القانون ما يرحمكش خاطرو مع المرأة في تونس . اولا يحطوك في (Recherche)، وكي تتشد، تشبع حبس و تتدمر حياتك و تخسر خدمتك وهي تتشمت فيك .

🔸 ثانياً: الأولاد!

المرأة اللي فيها شر و حقد و قلبها اسود ، ما تشفقش عليك و ما تقولش بو صغاري. راهي تحرمك من ولدك او بنتك، وتعمل من وجيعتك قصة تتلذذ بيها. تحب تهينك و تذلك وتنكل بيك ، وترد حياتك جحيم و تسيب العقد متاعها الكل فيك .

يا ولد عمي، راني نحكي معاك بكل صدق خاطرني نشفق عليك خاطرك ما تعرفش الحقيقة و شنوة يستنى فيك وقت تطيح بيك واحدة موش بنت اصل و ما تخافش ربي أما راهي نصيحة من خوك باش ما تلقاش روحك كيف برشة رجال تورطو في تونس مع نساء كيما النوعية هاذي ، دخلوا العرس بنية صافية، حبّوا يستقرّوا، و يكونو أسرة سعيدة و يجيبو صغار و يكملو نصف دينهم وفي الأخير لقاو رواحهم في صدمة و كابوس مرعب بسبب قوانين مجلة الأحوال الشخصية اللي تعطي الحق الكل للمرأة، و الراجل يدفع النفقة، و منحة السكن، و الجراية عمرية، و تزيد تفكلو دارو ، و كان ما خضعش، تمسح بيه الأرض وتحرمو حتى من ولدو.

وقد أعذر من أنذر.

Vidéo