يا سيدي فما عايله ليبيه لاباس عليهم في سراهم فلوس و كراهب و ديار و دنيا هانيه . و تعمل هكا و بنتهم ولات تتصرف في تصرفات متاع مهبله تنتش و تخبط أيا برشا من أصحاب ها العيله اقترحو عليهم يرقوها .
جا الراقي الاول ما نجم الثاني ما نجم الثالث ما نجم قالو عندها شي كبير ياخي واحد قريب العايله قلهم نعرف شيخ يقولو عليه دمدوم يحرك الحيط و هو قاعد .
برى نادولو قالو بالك الشفا يجي على يدو.
جا سي الشيخ قعد حالل فمو مل الهيلمان و الثراء لي عندهم أيا شد اكا البنيه رقاها و قلهم بنتكم مسحورة و هزهم للجردا خرج حرز قلهم هاهو حرز السحر و لي عملو من دمها ، لحاصل و اكا البنيه رجعت لاباس فرح بوها و قلو اطلب لي تحب فلوس نعطيك قلو استغفر الله أنا الشي هذا نعمل فيه لوجه الله ، أما إتقاءا لشر أقاربكم بش ما يعاودوش السحر يلزمكم تحمو داركم قالولو كيفاش قلهم يلزم ندقو مسمار في كل مدخل و نكتبو أيات قرآنيه على كل باب بش المردة و الجنون ما يدخلوش.
أمنوه أكا العايله و جابولو المسامر و هو يدور و يكتب و يدق في المسامر بمعرفتو.
ايا رجعتشي الطفله لحالتها و لاباس أما الدار دخلت بعضها ، فلوس كل يوم مسروقه ذهب مسروق فريجيدار تتعبا ليوم تفرغ غدوة اصوات و حركه غريبه في الدار تقول فما هوا يدور معاهم
كهو البو قال ما بيها وين تو و مشا يلوج على سي الشيخ لي جابو لبنتو ، أرض و كانتلو بلاعه
الحاله تواصلت 8 شهر لين قريب يهبلو كي ما لقاوش الشيخ لي جابوه ملول بداو يجيبو في رقاة اخرين لي يدخل يخرج يجري قال شنيا شي عظيم ما نجمناهوش لين نهار دبرو راقي جا يدور و يرقي في الدار قلهم شنيا ها المسامر حكاولو الحكايه جا يقرى في السور المكتبوبه على البيبان يلقاهم مكتوبين بالمقلوب و في وسطهم أسماء الجنون و المرده
أيا دارو فسخو الايات و نحاو المسامر و كل مسمار يتنحى و هما يقراو في أيات الكرسي و بعد ما نحاو كل شي قلهم لازم تكملو الرقيه و كل نقراو سورة النور
هما شدو يقراو و يعمل هاكا و يضهرلهم خيال في تركينه الدار و أوپااا طلع سي وخينا لي جا يرقي في بنتهم و غبر من 8 شهر الراجل درى اش من طلاسم عملها و عاش معاهم ياكل و يشرب و يلبس و يسرق
أيا بالوقت العايله طلبولو الحاكم هزوه و يقولو درى في أنا حبس غبروه و سكرو الملف و حد ما سمع عليه خبر لتوى .
و الدار و العيله رجعت حياتهم طبيعيه و قالولكم ردو بالكم تاثقو في أي حد يجي و يقلك أعمل هكا ولا هكا بش تحمي روحك و إنتوما تبعو من غير معرفه
